EUSKAL JAIA 2007

Sagardoa, Erromeria eta Zikiro jana

 Uztailak 28, larunbata. Egitaraua:

 18:00              Sagardo eta pintxo dastaketa: Laja, Eguren eta Ziular trikitilariek alaiturik

19:30              Bertsolariak: Andoni Egaña eta Sebastian Lizaso

20:00              Laja, Eguren eta Ziular trikitilariak

21:00              Afari herrikoia: Zikiro Jana Plazan

00:00              Dantzaldia Patxi eta Konpaniaren eskutik

 Oharra: Garai bateko Euskal jantziekin parte hartzera animatzen zaituztegu.

Erromeria hitza aipatzean gutako edozeini burura etortzen zaion lehen hitza dantza genuke, erromeriak hizkuntzaren batekin lotu beharko bagenitu berriz, Euskara litzateke bururaturiko lehen hizkuntza, ez al da hala? Bi elementu hauek, dantza eta euskara, oinarritzat hartuz antolatu dugu “Salto eta jauzi, Euskaraz bizi” lemapean bigarren urtez jarraian “Euskal Jaia 2007” Billabonako Santio Jaien barruan.

Laja, Eguren eta Ziular trikitilarien musika doinuek emango diete hasiera arratsaldeko 18:00etan erromeriari. Baina dantza eta dantza artean atseden hartzeko modurik izango da, ez kezkatu horregatik! Izan ere, hainbat sagardotegi desberdinen sagardoa dastatzeko eta euskal pintxoez gozatzeko aukera ere jarriko dugu zuen eskura aurretik.

Iluntzeko 21:00etan afari herrikoi batez gozatzeko aukera izango da Billabonako plazan, izan ere, arratsaldea dantzan igaro ondoren, nor ez da esertzen gustora afaltzera? Antolatu den ZIKIRO janean zerbitzatuko den menua ondorengoa izango da:

Itsaskabra budina salsa arrosarekin

Nafarroako zainzuriak ozpin-olio saltsa bereziarekin

Pikillo piperrak bakailaoz beteta pikillozko saltsarekin

ZIKIROA letxuga eta tipula entsaladarekin

Mokazko tarta jogurt-krema eta bainilazko izozkiarekin

Kafea eta Kopa

Euskal erromeri-giro atsegin batez alaituriko afari honetaz gozatu nahi baduzu, horretarako salgai jarriko diren txarteletako bat erostea besterik ez duzu 20€-ren truke. Hona hemen horretarako aukerak:

-         Amasa okindegia

-         Kixubi okindegia

-         Larrea okindegia

-         Labezain okindegia

-         Ogi Goxo okindegia

-         Shepherds garagardotegia

-         Iturrigoxo jatetxea

-         Garmendia Harategia

-         Arnasa

-         Maxola

-         Itzalpe

-         O´baba

Oharra: Txartelak erosteko azken eguna Uztailak 22 izango da.

Baina lasai, honekin erromeria bukatu ote denaren beldurrik ez izan! Afalostean musika doinuak izango baititugu ostera, kasu honetan, “Patxi eta Konpania”ren eskutik. Afarian jandakoak jeisteko ez da gaizki etorriko ez!!

Hau da zuei azaltzeko geneukana, gure aldetik besterik ez, Erromeria hau antolatzean jarri dugun ilusioak balio dezala zuk une atsegin bat igaro dezazun, hori baita gure helburua. Ah! Eta esandakoa “Salto eta jauzi, Euskaraz bizi!!!”

Antolatzaileak:                                  Babeslea:                       Laguntzailea:

Uxo Toki Elkartea                               Tolosaldeko HITZA            Villabonako Udala

Behar Zanan Elkartea

Irrintzi Elkartea

Zunbeltz Elkartea

Oinkari Dantza Taldea